Nje 54-vjeçar është arrestuar ditën e sotme në afërsi të “Tre Urave” në Përmet. I shpallur në kërkim, i arrestuari me banim në Tepelenë është proceduar nga Gjykata e Shkallës së Parë Gjirokastër për shkak se dyshohet të ketë kryer mardhënie seksuale me një grua me aftësi të kufizuara duke konsumuar veprën penale ”Marrdhënie seksuale ose homoseksuale me persona të pazotë për t’u mbrojtur”, parashikuar nga neni 103/1 i Kodit Penal.
Njoftimi i Policisë së Shtetit:
Vijon puna për kapjen e personave të shpallur në kërkim.
Shërbimet e Policisë Kufitare Tre Urat mesditën e djeshme, në afërsi të Pikës së Kalimit Kufitar Tre Urat bënë të mundur kapjen e shtetasit B. K., 54 vjeç, banues në Tepelenë.
Shtetasi i mësipërm ishte shpallur në kërkim pasi Gjykata e Shkallës së Parë Gjirokastër ka dërguar urdhërin për ndalimin si i dyshuar, për Veprën Penale ”Marrdhënie seksuale ose homoseksuale me persona të pazotë për t’u mbrojtur”, parashikuar nga neni 103/1 i Kodit Penal, pasi një vit më parë dyshohet se ky shtetas ka kryer marrëdhënie seksuale me një shtetase me aftësi të kufizuara.
Materialet në ngarkim të shtetasit B. K. i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.
