Ministria e Turizmit dhe Mjedisit kaloi ditën e mërkurë (10 qershor) një akt normativ për votim në parlament për sa i përket turizmit, ku synimi kryesor është mbrojtja e qytetarit shqiptar si dhe kompanive turistike.
Ministri Klosi, i ftuar në RTV Ora, shprehet se ky akt normativ siguron mbrojtjen e qytetarit i cili ka prenotuar për pushime gjatë kohës së pandemisë.
Kompanive turistike i është dhënë një afat 1 vjeçar për t’i ofruar të njëjtin shërbim klientëve, prenotimet e të cilëve u anuluan për shkak të pandemisë, me të njëjtin çmim.
Në rast të moszbatimit të kësaj pike, kompanitë jantë të detyruara të kthejnë shumën e parave të dhëna nga klientët pas një viti.
Klosi: Ditën e mërkurë kaluam një akt normativ që kërkon votimin në parlament. Bëmë atë që kanë bërë vendet e tjera të rajonit, Kosova, Maqedonia, Greqia. Ky akt kërkon mbrojtjen e qytetarëve. Pra ata të cilët kanë penotuarpushimet e tyre në kompani që dalin jashtë i kemi shumë jashtë tregut. Duhet një strukturë më të strukturuar të të bërit turizëm në Shqipëri. Ata që kanë prenotuar të pushojnë jashtë kur edhe në kushtet e pandemisë kur dhe kompanitë e kanë pasur të pamundur ta ofrojnë si shërbim, kompanitë detyrohen në bazë të këtij ligjit në parlament për të njohur këto para të harxhuara nga qytetarët dhe brenda një viti t’ja ofrojnë të njëjtin shërbim me të njëjtin çmim qytetarëve dhe nëse nuk e bëjnë për një vit, pas një viti tu kthehen lekët. Kjo është një mbrojtje për qytetarët për të mos humbur paratë që kanë derdhur gjatë kohës së pandemisë por dhe për kompanitë pasi paratë e mbledhura nga qytetarët i kanë investuar në pagesa hotelesh apo çarterash. Na del një mësim i madh për të strukturuar tregun.
Turizmi është një ndër sektorët më të prekur nga pandemia, ku ministri Klosi shprehet se do të jetë e vështirë se do të kthehet situata e viteve të mëparshme.
Por ai beson se me ritmet e nisura, Shqipëria do të arrijë që të reduktojë humbjet e këtij viti.
Klosi: Ne na duket sikur turizmi nuk ka qenë biznes në Shqipëri. Tashmë ajo është shndërruar në një industri në Shqipëri. Sjell 2 miliardë euro të ardhura në GDP dhe bën 35 përqind të eksportit shqiptar. Do jetë shumë e vështirë që të rekuperojë 2019. Do të jetë e vështirë që në 7-8 vjet të kthehemi në situatën e viteve të shkuara. Unë kam bindjen që të rigjenerojë 2018-2019 në harkun kohor të dy viteve pasi kemi disa tregues në mënyrën që bëjmë turizëm. Në vitin 2020 të mos kemi falimentim apo ndërprerjen e hovit për investim.