Situata epidemiologjike e covid-19 në vendin tonë nuk është ajo më e mira, e për pasojë thirrjet e autoriteteve për tvaksinim shtohen çdo ditë. Por teksa kohë më parë vetë kryeministri Rama apo edhe ministrja Manastirliu kanë theksuar se vaksina nuk është e detyrueshme, duket se tashmë është bërë kusht.
Shkolla e Magjistraturës ka vendosur për magjistratët e rinj që të marrin masa dhe të kryejnë vaksinimin kundër COVID-19, me qëllim mbarëvajtjen e procesit mësimor. Sipas njoftimit zyrtar, kush do të jetë i pranishëm në auditor duhet të vaksinohet.
“Njoftohen te gjithe kandidatet per magjistrate qe studiojne ne Shkollen e Magjistratures ne vitin akademik 2021-2022, (viti i pare dhe viti i dyte i studimit), qe per te siguruar mbarevajtjen e programit te trajnimit fillestar permes mesimit ne auditor, te marrin masat e nevojshme per te kryer vaksinat anti-Covid.
Cdo kandidat te depozitoje elektronikisht ne sekretarine mesimore vertetimin zyrtar me qellim qe te jene pjesëmarrës ne trajnimin ne auditor prej dates 4 Tetor 2021 e ne vijim.
Ju kujtojme qe muaji Gusht eshte i hapur per vaksinimin e te gjitha grupmoshave mbi 18 vjec”, njofton Shkolla e Magjistraturës.
