“Lancio,” një nga emisionet më të vjetra dhe të dashura të Top Albania Radio, do të rikthehet më 2 shtator me sezonin e ri, duke sjellë muzikën më të re nga artistët më në zë, si ndërkombëtarë ashtu edhe shqiptarë. Ky show radiofonik, që ka nisur transmetimin që në fillimet e Top Albania Radio, synon të promovojë muzikën e momentit dhe të pasurojë dëgjuesit me informacione artistiko-kulturore.
Ky sezon i ri do të vijë me një ndryshim të rëndësishëm në moderim: këngëtarja e re Erma Mici do të jetë në krye të programit. E njohur për zërin e saj të veçantë dhe përkushtimin ndaj muzikës, Erma ka zgjeruar kohët e fundit karrierën e saj duke u fokusuar në moderimin e programeve radiofonike. Ajo tashmë është një nga zërat e njohur të Top Albania Radio, duke drejtuar edhe programe të tjera në këtë platformë.
“Lancio” mbetet një burim i pandalshëm informacioni për të gjithë ata që duan të jenë të përditësuar me zhvillimet e fundit në muzikë, ndërsa sezonin e ri premton të sjellë një përvojë të freskët dhe dinamike për dëgjuesit e tij.
