Eno Popi është një ndër prezantuesit më të dashur për publikun shqiptar. Ai është shkëptutur prej disa muajsh nga ekrani dhe mesa duket, ka qenë duke punuar për një projekt të veçantë. Eno do rikthehet në rrënjët e tij, në “Top Albania Radio” me një program kushtuar udhëkryqeve të shoqërisë në shekullin që jetojmë.
Me intervista dhe monologje që vendosin përballë ide dhe opinione të ndryshme, Eno do shpalosë të vërteta, do thyejë mite e teori konspirative duke arritur kështu t’i sjellë dëgjuesit atë që i ka munguar: një media cilësore dhe frymëzuese.
Programi do të quhet “Dilema Sociale” dhe do vijë me moton “Filloje nga Zero”. Misioni i tij thelbësor është të bëjë dëgjuesin të mendojë dhe të mos ndihet i vetëm në botën e miqësive virtuale, pandemisë globale, rrënimit të demokracisë apo përballë sfidave të tjera që përballet në përditshmëri.
Personazhet që i njihni nën hije të reja, arsyetimet e atyre që ju kanë munguar dhe dilema të tjera i dëgjoni së shpejti në Top Albania Radio me Eno Popin.
