Është një baba prokuror, nga ata që jetojnë në luks, luks që e kanë krijuar duke abuzuar me ligjin, duke nëpërkëmbur drejtësinë, duke shfrytëzuar njerëzit, i cili kapet gafil me të dashurën e tij nga i biri, në ditën që sapo ka varrosur bashkëshorten e tij.
Ky zvetënim njerëzor edhe shumë aktual ndërsa flitet shumë për reformën në drejtësi është përkapur nga skenaristi dhe regjisori Leka Bungo, Mjeshtër i Madh, që në bashkëpunim me RTSH sjell këto dite premierën e filmit “Njerka”.
E vajza e re që ndez konfliktin babë e bir, Adela, interpretuar nga aktorja Arjola Demiri, është stereotipi i një vajze të pambrojtur, të varfër, që jo pak herë kërkon mbështetje tek njerëz të pasur e të pushtetshëm, por pa e ditur, atë e dashuron jo vetëm babai-prokuror, interpretuar nga mjeshtri Bujar Asqeriu, por edhe i biri, Adi, interpretuar nga Gjergji Mena.