Vrasja tragjike e Klodian Rashës nga një efektiv i Policisë pak ditë më parë është bërë shkak revolte në vendin tonë, jo vetëm me ragime të shumta në rrjetet sociale nga njerëzit, por edhe në rrugët e kryeqyteit, si rasti i protestës së djeshme. Të gjithë kërkojnë vetëm një gjë, drejtësi për 25-vjeçarin.
Të shumtë kanë qenë edhe personazhet e njohur që kanë reguar për ngjarjen e rëndë, disa prej tyre ditën e djeshme, të tjerë sot, teksa kemi parë deklarata të shumta jo vetëm që kërkojnë mbajtjen e përgjegjësisë për rastin e Klodianit, por që komentojnë edhe protestën e zhvilluar dje, e shoqëruar me disa incidente. Ndër ata që kanë përdorur platformën e tyre me shumë ndjekës është edhe Lori Hoxha, e cila sot, bashkangjitur me foton simbol të këtyre ditëve: “Kë merrni në telefon kur policia vret?”, shkruan disa fjalë.
Lori thotë se nuk flet shpesh në Instagram-in e saj për të tilla ngjarje që dhembin sepse e ka të vështirë të gjejë fjalët e duhur, teksa ripostimi i fotos tashmë të famshme do të ishte gjëja më e lehtë që mund të bënte për të qenë e “larë” me ndjekësit. Hoxha thotë se pavarësisht se nuk i di faktet, jeta e kujtdo dhemb, sidomos kur shuhet nga ata që supozohet të mbrojnë, por reagimi në këto raste dhe të postuarit gjënë e duhur është shumë e vështirë. Ajo uron që të vihet drejtësi për Klodianin, që fare mirë mund të ishte vëllai i saj dhe uron që ne si popull të kemi kurajon të ngremë zërin sa herë që duhet, të protesojmë gjithmonë për idealet dhe parimet tona.