Pas një rikthimi të suksesshëm në skenën muzikore dhe eksperiencës së tij në Big Brother VIP, Luiz Ejlli ka vendosur të sfidojë veten në një tjetër fushë artistike – kinematografinë. Në një postim në Instagram, Luizi ka ndarë me ndjekësit e tij lajmin se është afër përfundimit të skenarit për filmin e tij të ri.
Ai ka theksuar se ky projekt është një angazhim personal dhe ka marrë përsipër vetë realizimin e tij. Edhe pse e pranon që kostot e filmit janë të mëdha, Luizi u premton ndjekësve se nuk do t’i zhgënjejë, duke shtuar se është i gatshëm t’i mbulojë të gjitha shpenzimet nga xhepi i tij nëse është e nevojshme.
Një tjetër detaj interesant që ai ka ndarë është se do të ketë një partnere femër në këtë film, por nuk e ka zbuluar ende emrin e saj, duke lënë ndjekësit të supozojnë dhe të presin me padurim.
Ky nuk është roli i parë i Luizin në një film, pasi pas përfundimit të Big Brother VIP, ai u shfaq në filmin “Në kuadër të dashurisë”, një produksion i Top Channel, ku luajti përkrah Olta Gixharit. Ky projekt i ri shënon hapin e radhës në karrierën e tij artistike, duke i shtuar kësaj radhe përfshirjen e tij në procesin krijues të një filmi.
Me një karrierë që tashmë përfshin muzikë, televizion dhe film, Luizi duket se është i vendosur të zgjerojë gjithnjë e më shumë horizontet e tij artistike.
