Luiz Ejlli, i njohur për performancën e tij mbresëlënëse në “Big Brother Albania Vip 2”, ka qenë në qendër të vëmendjes së medias edhe pas përfundimit të programit. Së fundmi, në një konferencë për shtyp, u pyet rreth pjesëmarrjes së tij të mundshme në edicionin e ardhshëm të “Big Brother VIP Kosova”.
Në lidhje me këtë, Luizi ka dhënë një përgjigje enigmatike, duke lënë hapësirë për më shumë spekulime. “Nëse ta jap unë përgjigjen ç’kuptim ka, nuk do të ketë më zëra. Kështu që t’i lëmë zërat”, tha Ejlli, duke lënë të kuptohet se preferon të mos konfirmojë asgjë në mënyrë definitive për momentin.
Kjo deklaratë ka rritur edhe më shumë interesin e fansave dhe ndjekësve të tij, të cilët janë të etur të mësojnë më shumë rreth planeve të tij të ardhshme në televizion.
