Pagën e luftës prej 40 mijë lekësh që i është dhënë qytetarëve për shkak të mbylljes së shumë vendeve të punës prej rreth tre muajsh prej përhapjes së pandemisë ka sjellë konfuzion.
Mesazhi u ka shkuar ditën e fundit shumë individëve, po ndër ta edhe atyre që realisht nuk e përfitojnë, si p.sh. ata që nuk janë shkëputur asnjëherë nga puna, apo që nuk kanë qenë të regjistruar fare në sigurime.
Kjo situatë ka krijuar konfuzion tek ata që nuk u ka shkuar mesazhi dhe u kanë kërkuar ekonomistëve të firmave që të aplikojnë, ndonëse sistemi realisht nuk lejon aplikimin për ta.
Burimet nga Tatimet konfirmuan se ka pasur një problem në sistem, i cili nuk mund të identifikojë çdo rast sipas specifikave të secilit. Sistemi, për fat të keq, nuk i ndan dot këto gjëra dhe është krijuar konfuzion.
Tatimet thonë se do të publikojnë një njoftim, i cili citon faktin se subjektet që do të përfitojnë nga ndryshimi i VKM së fundit janë ato të cilat plotësojnë kushtet. Pra asgjë nuk ka ndryshuar përveç faktit që është zgjeruar fasha kohore e aplikimeve për punonjësit të cilët nuk kanë përfituar për shkak se punëdhënësit i kanë hequr nga listëpagesat përpara hyrjes në fuqi të VKM (sipas ndryshimeve përfitojnë të larguarit midis datës 1 mars dhe 17 maj, nga 12 mars dhe 10 prill që ishin më parë datat e largimit kur mund të përfitojë).
Ndërsa për çështjen e penalitetit të bizneseve do të vazhdojnë të penalizohen ata që nuk kanë aplikuar deri më tani dhe nuk do të gjobiten ata të cilët nuk kanë aplikuar sepse iu kanë paguar pagë të plotë punonjësve të tyre.
Subjektet që përfitojnë:
Sipas vendimit, subjekti mund të përfitojë sipas kritereve dhe masave të caktuara, në baze të kodit apo deklarimit vjetor.
Masat që përfitojnë janë:
Masa 1 – Subvencionim për punonjësit e larguar + aktualë në bizneset me të ardhura 14+ milionë lekë të mbyllur nga urdhrat e MSHMS-së
Masa 2 – Mbështetje për të larguarit nga puna në periudhën 1 Mars – 17 Maj (për të gjitha subjektet e hapura apo të mbyllura nga urdhrat e MSHMS-së).
Masa 3 – Subvencionim për të gjithë punonjësit e bizneseve me të ardhura nën 14 milionë lekë (përjashtuar 8,000 persona në profesionet e lira, tregtia, farmacitë, përfituesit e pagës së luftës së Paketës 1, etj.)
Masa 4 – Subvencionimi i pagës së luftës për punonjësit e strukturave akomoduese në sektorin e turizmit.
Zgjerimi i skemës së përfituesve:
Këshilli i Ministrave miratoi ndryshime në vendimin për paketën e dytë financiare, ku dy ishin rishikimet më thelbësore:
-së pari, u zgjerua afati i përfituesve, pasi tashmë e marrin ndihmën të gjithë të larguarit nga puna nga biznesi i madh midis datës 1 mars dhe 17 maj (më parë ishte nga 12 marsi në 10 prill).
Së dyti, nëse punëdhënësi nuk aplikon për punonjësin, individi përfiton automatikisht. Ndërkohë punëdhënësi merr dhe një gjobë prej 50 mijë lekësh. https://www.monitor.al/zgjerohet-lista-e-perfituesve-per-pagen-40-mije-leke-e-marrin-te-larguarit-nga-puna-nga-1-marsi-deri-ne-17-maj/
Nga këto ndryshime janë shtuar në skemë edhe 32 mijë përfitues të tjerë, duke e çuar numrin e tyre në 210 mijë. Deri tani rreth 108 mijë individë e kanë marrë pagesën.https://www.monitor.al/tatimet-publikojne-listen-e-63-mije-individeve-te-rinj-perfitues-per-pagen-40-mije-leke-si-te-aplikoni
