Ministrja e Arsimit Evis Kushi nuk e ka përjashtuar skenarin e mbylljes së shkollave dhe kalimin në një sistem krejtësisht online, në rast të përkqeësimit të situatës së pandemisë. Kushi tha në “Opinion” se ky është një vendim që i përket Ministrisë së Shendetësisë dhe Komitetit të Ekspertëve, varësisht infektimeve.
Fevziu: Cilët janë skenarët që kemi në të ardhmen? Mund të shkojmë në një mbyllje totale të shkollave?
Kushi: Patjetër që ekziston dhe ky skenar. Ne i kemi patur që në fillim të vitit të tre skenarët: me prezencë, me mësim të kombinuar dhe mësim online. Nëse komiteti i ekspertëve do të sugjerojë që situata është përkeqësuar në mënyrë të tillë, do të na duhet, patjetër që do ta marrim këtë vendim. Por nuk mund të them nëse do ta marrim pas 2 javësh, pas 3 javësh apo nëse do ta marrim apo jo.
