Një tërmet i shkallës rreth 6 ballë tronditi këtë të mërkurë Shqipërinë.
Epiqendra e tij ishte në Gjirin e Lalëzit, rreth 18 km larg Durrësit dhe 30 km në veriperëndim të Tiranës, por lëkundjet e fuqishme u ndjenë në të gjithë vendin.
Në panik, banorët lanë shtëpitë e tyre, dolën në ambientet e hapura. Këto janë momentet e fiksuara nga kamerat e Ora News në studiot e lajmeve dhe në Newsroom.
Nga ora 11.01 minutë ku ndodhi lëkundja e parë deri në orën 11.40, matjet në sektorin e sizmologjisë tregojnë se ka patur 40 lëkundje të tjera, por me intensitetet jo të lartë.
Rexhep Koci: “Tërmeti i regjistruar sot nga qendra jonë e monitorimit që nga ora 11:01, është lokalizuar në zonën e Gjirit të Lalzit me magnitudë 5.1 që po ta konvertosh në ballë i bie 6 ballë.”
Por edhe pas kësaj deklarate, Lëkundjet vazhduan, tërmeti i radhës me magnitudë 4.8, u regjistrua në 13:24 minuta, i shoqëruar me të tjera lëkundje më të vogla. Sipas shërbimit sizmiologjik tërmeti ka një thellësi prej 10 km dhe është regjistruar rreth 30 km larg Tiranës.
Rexhep Koçi nga departamenti i sizmologjisë thotë se nuk mund të bëhen parashikime, por aktiviteti sizmik vijon.
Rexhep Koci: Tërmeti i fundit ka qenë 4.2 në zonën e Durrësit dhe Kënetës, ka rreth 6 vjet. Fatkeqësisht sapo ka rënë tërmeti komunikimi ka qenë i vështirë. Ne nuk kemi informacion për dëme në këtë zonë sepse nuk mund të lidhemi me asnjeri.
Situatën e bëri më shqetësuese edhe fakti se valët elektronike ishin inaktive.
Ministria e Mbrojtjes dhe Qendra Kombëtare Operacionale pranë Shtabit të Përgjithshëm thanë se ka patur disa dëme materiale, fatmirësisht pa lëndime të personave. Probleme në banesa janë regjistruar në njësinë administrative Manëz, Yrshek, Marqinet në Botë dhe Krujë. Bëhet fjalë për plasaritje dhe jo deme të kondiserueshme në banesa.
Në qëndër të Tiranës një grup i emergjencave bëri inspektim të godinave, dhe sipas shefit të zjarrëfiksësve Shkëlqim Goxhaj, ka patur plasaritje të vogla të teatri Kombëtar si dhe te ministria e bujqësisë
Shkëlqim Goxhaj: Bëmë një inspektim, pamë gjendjen reale. Konstatuam që edhe nga tërmeti ka lënë disa pasoja në godinën e Teatrit.
Shqipëria nuk është vendi i vetëm që përjetoi këto aktivitet sizmik. Gazetarja e Ora News në Itali Alba Kepi raportoi për të njëjtin intensitet lëkundjesh nga tërmeti edhe në rajonin e Puglias.