Sot është nata finale e Festivalit të Këngës në RTSH ku do të zgjidhet fituesi i edicionit të 62 nga juria me 11 anëtarë profesionistë.
Në skenë sot do të përformojnë 22 këngëtarë, 8 prej të cilëve janë artistë të rinj debutues. Por në garën për në Eurovizion do të jenë të 31 pjesëmarrësit e këtij edicioni dhe do të jetë vota e teleshikuesve që do të përcaktojë përfaqësuesin e Shqipërisë në kompeticionin europian.
Ndërkohë natën finale të Fest 62 do të kenë mundësi ta ndjekin gjithë shqiptarët e rajonit, pasi do të transmetohet drejpërsëdrejti në disa televizone publike, në vendet ku ata jetojnë.
Për teleshikuesit nga Kosova, nata e fundit e festivalit do të transmetohet në kanalin kryesor të Radio Televizionit të Kosovës ndërsa tre netët e kaluara janë transmetuar në kanalin muzikor të RTK-së.
Nata finale e Fest 62 do të transmetohet drejpërsëdrejti edhe në Maqedoninë e Veriut përmes valëve të kanalit të dytë maqedonas, atij në gjuhën shqipe.
Për herë të parë në historinë e festivaleve, nata finale e Fest 62 do të transmetohet edhe në Malin e Zi në kanalin shqip të radios së Malit të Zi, i vetmi kanal atje që transmeton shqip 24 orë.
Lista e këngëtarëve që do të performojnë sonte në natën finale:
Kastro Zizo-2073-G.Kraja
Mal Retkoceri – Çmendur-O.Arapi
Erina & The Elementals – Jeten n’skaj – A.Kaçinari
Melodajn Mancaku – Nuk jemi me – A.Kacinari
Tiri Gjoci-Në ënderr -D.Kuraja
Kleansa Susaj – Pikturë-D.Kuraja
Irma Lepuri – Më prit – o.Arapi
Festina Mejzini-Melos-A.Kacinari
Eldis Arrnjeti – Një kujtim – A.Kacinari
Martina Serreqi – Vetëm ty – G.Kraja
Besa Krasniqi – Esenciale – M.Kapidani
Sergio Hajdini – Uragan – M.Kapidani
Olimpia Smajlaj – Ssaj – J.Barbullushi
Anduel Kovaci – Nan – G.Kraja
Michela Paluca – Për veten – J.Barbullushi
Peter Pan kuartet – Nje here – O.Arapi
Besa Kokëdhima – Zemrën n’dorë – A.Broshka
Arsi Bako – Zgjohu – A.Kacinari
Elsa Lila – Mars – E.Melozzi
Andi Tanko-Herë pas here – M.Kapidani
Shpat Deda – S’mund t’fitoj pa ty – G.Kraja
Big Basta & Vesa Luma-Mbinatyrale – G.Kraja
