Ndërhyrjen në rrjetin e shpërndarjes se energjise elektrike, që përbëjnë dëmet më të mëdha të shkakuar në rrjetin e shpërndarjes së kësaj energjie dhe që faturohen si humbje teknike, do të mund të paguhen menjëherë sapo ato ato konstatoheN.
Operatori i Shpërndarjes së Energjise Elektrike i kishte kërkuar entit shtetëror mbikqyrës qysh në muajin shkurt të ndryshonte rregulloren për pagimin e këtij dëmi.
Tani është bërë e mundur që dëmet ekonomike të shkatkuara të paguhen brenda 30 ditëve dhe të mos zvarriten sikundër ka ndodhur më parë.
Ndryshimi i bërë në rregulloren teknike i jep mundësi operatorit shtetëror të energjisë që të lajmërojë përdoruesin e energjise elektrike që ka nbdërhyrë në rrjet brenda 48 orëve dhe t’i dërgojë atij faturën e dëmit brenda 7 ditëve.
Ndryshimi konsiston edhe në detyrimin ligjor që OSHEE të arkëtojë dëmin e shkaktuar jo më vonë se 30 ditë nga data e lëshimit të faturës së dëmit.
Këto ndryshime në Rregullore, nuk cenojnë të drejtat e konsumatorëve të parashikuara në nenin 11, të së njëjtës Rregullore, si e drejta e ankimit në OSSH dhe/ose në ERE, në rast se kundërshton faturën e dëmit ekonomik të vendosur nga OSSH, ose pretendon se OSSH nuk ka ndjekur dhe zbatuar dispozitat e kësaj Rregullore.
Po ashtu nuk cenohen afatet e ankimit qoftë drejtpërdrejtë tek operatori, qoftë në ERE.
Ky ndryshim duket se i jep fund kalvarit të njohur të mos pagimit të dëmit të vjedhjes së energjisë elektrike, edhe kur ky dëm ishte vërifikuar dhe vërtetuar nga operatori shtetëror.
Vjedhja e energjisë zuri një volum të madh ne veprat penale për vjedhje. Prokuroria e Përgjithshme kishte raportuar në Kuvend se gjatë vetëm tre viteve, rreth 6 mijë persona u ndoqën penalisht se kishin vjedhur energjinë. Sipas të dhënave të raportit vjetor të Entit Rregullator të Energjisë për vitin 2020, nga më shumë se 6,6 milionë megavatorë energji të kaluar në rrjetin e OSHEE, 1,45 milion megavatorë kanë humbur.
Ndërsa shuma e faturuar si dëm ekonomik është për vetëm 31 mijë megavatorë energji elektrike, duke treguar se dëmi ekonomik i shkaktuar nga vjedhjet teknike dhe joteknike është e pandjeshme për financat e kompanisë shtetërore të shpërndarjes së energjisë elektrike. Rregullorja e fundit që ka hyrë në fuqi këto ditë mbase e ndryshon këtë situata jo të favorshme ekonomike.
