News24 ka marrë dy e-maile nga disa grupime ekstremiste tifozësh pas arrestimit të Ismail Morinës nga Policia e Tiranës. Në këto email-e lëshohen ultimatume, ku kërkohet lirimi i Morinës, i njohur ndryshe si Ballisti deri në orën 18:00 të ditës së sotme. Në të kundërt sipas këtyre grupimeve Tirana do të ndizet flakë me mbërritjen e ekipit serb.
Ndërkohë pas këtyre emaile-ve, News24 ka kontaktuar me Ministrinë e Brendshme, e cila ka deklaruar se është në dijeni dhe se po heton.
E-maili i parë
Duke parë me shumë vëmendje zhvillimet e fundit në pragndeshjen historike që luajmë kundra Shkijeve kundra armiqve tanë serb kërkojmë:
Lirimin sa më të shpejtë të Ballistit, Ismail Morinës dhe të 3 vëllezërve tanë të arrestuar dje në darkë.
Në rast të kundërt nëqoftëse nuk lirohen para orës 18:00 nuk do mbajmë përgjegjësi për çka mund të ndodh sot me mbërritjen e kombëtares serbe. Do ndizet Tirana flakë sot dhe turpi do bjerë mbi ju.
Njësitet Guerile Tiranë 07.10.2015
E-maili i dytë
Na vjen shume keq që vëllai jonë Ballist Morina është arrestuar mbrëmë, kjo duket qarte se është manipuluar dhe spiunuar nga qarqe antishqiptare, nga UDB-ja serbe, nga Duka, nga Rama dhe nga shumë e shumë të tjerë. Por i bëjmë me dije Policisë së Shtetit, Saimir Tahirit, Edi Ramës, Armando Dukës, se kombëtares serbe armikut tonë të përjetshëm do i bëhet një pritje madhështore ashtu siç e meritojnë armiqtë tanë. Sado që mendoni se keni marrë masat e mjaftueshme për pritjen e shkijave sot do i tregohet botes se ne jemi SHQIPTAR DHE ASKUSH NUK NA SHKEL ME KEMBE. NUK E KEMI HARRUAR 14 TETORIN Ju paralajmërojmë se nqs do ndërhyni kundër BRIGADAVE TE KUQE DO TE KETE GJAKDERDHJE.
VEC SHQIPERI ETNIKE SHQIPERI E MADHE
JA VDEKJE JA LIRI
BRIGADAT E KUQE
