Duke filluar prej ditës së sotme fillon zbatimi i masave të reja kufizuese të vendosura së fundmi nga Komiteti Teknik i Ekspertëve, pas rritjes së numrit të infektimeve me Covid-19 këtë periudhë.
Kështu sot, e enjte 11 shkurt, Shqipëria do të mbyllet në orën 20:00 deri në 06.00. Ky vendim vlen për lëvizjen e njerëzve, por edhe për baret e restorantet, të cilat janë konsideruar si vatra kryesore të përhapjes së koronavirusit.
Përjashtohen nga ky kufizim emergjencat shëndetësore dhe personat që duhet të lëvizin për arsye pune (në këtë rast është e domosdoshme leja nëpërmjet aplikimit tek e-Albania).
Ndërkohë, nisur nga fakti që grup mosha 15-24 vjeç ka qenë më e prekura nga Covid-19 javët e fundit, shkollat e mesme do të zhvillojnë mësimin online ne zonat e riskut të lartë, ku përfshihen bashkitë: Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz, të paktën për periudhën 11 shkurt – 26 shkurt.
Gjithashtu do te ë zgjatet sezoni i provimeve për universitetet, për të siguruar kombinimin e provimeve online dhe në auditor, për lëndët që kërkojnë me patjetër prezencë sipas vlerësimit të MASR, sigurisht duke zbatuar protokollet antiCovid.
Masat e reja parashikohem të qëndrojnë në fuqi për 14 ditë.
