Një histori dashurie në kohën e diktaturës, “Portreti i papërfunduar i Clara Bellini”. Filmi i më i ri Ruzhdi Pulahës

Kanë filluar xhirimet e filmit të ri me regji të Namik Ajazi dhe skenar të Ruzhdi Pulaha, “Portreti i papërfunduar i Clara Bellini” (“Il ritratto incompiuto di Clara Bellini”). Subjekti ka në tregon historinë e një dashurie të pamundur gjatë viteve të diktaturës midis një djali shqiptar dhe vajzës së një diplomati italian.

Gjithçka ndodh në fillim të viteve ’70 dhe ’80, ku përveç romancës ajo tregon edhe atmosferën e asaj periudhe të vështirë për shqiptarët. Për të ndërtuar komplotin e këtij filmi, regjizori Ajazi ka kërkuar për tre vjet në ish arkivin e Ministrisë së Brendshme për të gjetur materialet e nevojshme.

“Personazhet nuk janë reale”, – thotë regjizori, por filmi bazohet në katër tregime të vërteta të ndërthurura me njëri-tjetrin. Është një homazh për të gjithë ata njerëz që kanë kaluar histori të ngjashme. Disa nuk jetojnë më, disa prej tyre sot janë gjyshër “- thotë Ajazi i cili shton se “ngjarjet e bazuara në historitë e diktaturës janë një detyrim për atë brez që ka vuajtur shumë, por edhe për brezin e ri për të treguar dhe për t’i bërë të kuptojnë çfarë duhej hiqnin në ato vite”.

Trupa e aktorëve është një surprizë e vërtetë. Regjizori arriti të sjellë në Tiranë aktorin Remo Girone (i njohur në Shqipëri si Tano Cariddi i serialit “La Piovra”), i cili së bashku me aktoren Victoria Zinny do të jenë prindërit e vajzës italiane. Gjithashtu në cast do të jetë edhe Marta Gastini.

Në mesin e aktorëve shqiptarë janë emra të shquar si Alfred Trebicka, Gulielm Radoja, Raimonda Bulku, Mehdi Malkaj.

“Ndërsa Beatrice Aiello, një aktore e re shumë e mirë dhe Anton Kodrinaj, një djalë i ri që jeton në Firence i është besuar roli i protagonistëve; Clara dhe Artur”, – thotë drejtori Ajazi.

Ky film vjen me mbështetjen e Qendrës Kombëtare të Kinematografisë, Ministrisë së Kulturës së Italisë dhe Eurimages.

 

REKLAMA
loading...

KOMENTO

This site uses Akismet to reduce spam. Learn how your comment data is processed.