Një person është dënuar me 16 muaj burg pas gjetjes së vjedhjes dhe shitjes së materialeve audio-vizive me pagesë.
Warren Gleave është gjykuar në Gjykatën Burnley Crown dhe është çuar menjëherë në burg.
Për rreth tre vite, Gleave në mënyrë të paligjshme ka fituar mbi 200.000 Paund Britanik përmes shitjeve në markete të ndryshme dhe në website-n e tij personal, paisje “streaming” që kishin akses premium në platformën britanike të Sky.
Rasti është komentuar edhe nga drejtuesit e vetë kompanisë transmetuese të cilët e kanë vlerësuar denimin, si një tjetër rast lufte kundër piraterisë, ku kanë inkurajuar autoritetet për tu përpjekur edhe më tepër për të investiguar në rastet flagrante që bien ndesh me të drejtën e autorit./IMA/