Ditën e sotme mësuam se paneli i opinonistëve të Për’puthen Prime ka ndryshuar.
Pas të dielës së kaluar, News-31 mësoi se Meridiani nuk do të jetë më pjesë e panelit, për arsye që akoma nuk ishin bërë të ditura, por vetëm qarkullonin në formën e aludimeve.
Ndonëse fillimisht u përfol se shkak i largimit ishte debati në studion e programit me Arian Konomin, autorja e programit Olsa Muhameti e ka mohuar këtë.
“Zëvendësimi i Meridianit ishte vendimi im sepse ne kemi një formulë, e cila na bën të ndërrojmë opinionistët herë pas here.”, – është shprehur Muhameti, e cila shtoi se kjo bëhet për të sjellë larmishmëri situatash në prime, por edhe për të dëgjuar mendime të ndryshme.
Këtë të dielë do të shohim në panel Arjan Konomin, Fatma Haxhialiun dhe Elona Duro që do të jetë prurja e re në karriget e opinionstëve.
