Në një intervistë të veçantë në emisionin ‘Ndryshe’ të Top Albania Radio, aktorja e njohur dhe ish-konkurrentja e BBVIP 2, Olta Gixhari, zbuloi detaje interesante nga jeta e saj personale dhe profesionale. E ftuar në mbrëmjen e sotme, Gixhari foli me zemër të hapur për shtatzëninë e saj të dytë, përvojën në Big Brother Vip, dhe projektet e fundit në kinematografi.
Olta fillimisht ndau me publikun emocionet e shtatzënisë së saj, duke rrëfyer se kësaj radhe po e ndjen më të lodhshme. “Shtatzënia e dytë po më duket më e lodhshme se e para. Ende nuk e kam zbuluar gjininë e fëmijës sepse dua t’i bëj një festë,” tha ajo.
Në vijim, ajo u pyet për përvojën e saj në “Dancing with The Stars”. Gixhari tregoi se e kishte shijuar maksimalisht, duke theksuar profesionalizmin e Top Channel në prodhimin e spektakleve dhe filmave.
Kur u pyet për filmat “5 Herë Jo” dhe “Në Kuadër të Dashurisë”, Olta bëri një krahasim të interesuar. “Po e kam parë filmin 5 Herë Jo, por nuk krahasohen pasi janë komplet dy gjëra të ndryshme. Në Kuadër të Dashurisë ka skenar më të mirë dhe më profesional. Kjo ishte pika më e fortë, përveç aktorëve kryesorë,” u shpreh ajo me një qeshje.
Për BBVIP, Gixhari komentoi se ndjek episodet dhe mendon se kasti i këtij viti është më i mirë se ai i vjetshëm. Ajo shtoi se do të dëshironte të merrte pjesë përsëri në këtë eksperiencë dhe falënderoi bashkëshortin për mbështetjen dhe guximin gjatë kohës së saj në BB VIP.
Në fund të intervistës, kur u pyet për politikanin më seksi në Shqipëri, Olta pa hezitim përmendi Ori Nebijajn, duke e quajtur atë një yll.
Kjo intervistë tregon thellësinë dhe shumëdimensionalitetin e Olta Gixharit si aktore dhe personazh publik, duke na dhënë një pasqyrë më të plotë të jetës dhe mendimeve të saj.
