Edhe pse një ditë më parë, Ministria e Shëndetësisë njoftoi se janë kryer 250.676 vaksinime, ndërsa ministrja Ogerta Manastirliu njoftoi se këtë javë nis procesi edhe me +60 vjeçarët, këta të fundit janë zgjuar herët për të zënë rradhë te sheshi Skënderbej.
Siç shihet në pamjet e siguruara nga Ora News dhe gazetarja Anxhela Celibashi, dhjetëra prej tyre janë në rradhë në pritje të bërjes së vaksinës.
Lexo edhe: Covid 19 në 24 orë, 360 raste të reja dhe 6 viktima, në spitale 227 pacientë
Duke i kërkuar qytetarëve të vaksinuar të vijojnë të respektojnë masat anti-COVID, Manastirliu ka bërë apel për të gjithë personat mbi 60 vjeç, të regjistrohen pranë mjekut të familjes për ditën dhe orën e vaksinimit.
Prioritet te kjo grupmoshë do të kenë ata/o me sëmundje kronike.
Duke i kërkuar qytetarëve të vaksinuar të vijojnë të respektojnë masat anti-COVID, Manastirliu ka bërë apel për të gjithë personat mbi 60 vjeç, të regjistrohen pranë mjekut të familjes për ditën dhe orën e vaksinimit.
Ditën e sotme pritet të fillojë edhe shpërndarja e 100 mijë vaksinave të Sinovac, ndërsa po ashtu, të hënën do të mbërrijnë edhe 7020 doza të vaksinës Pfizer.
Ndërkohë, që prej fillimit të vaksinimit antiCOVID janë kryer në total 256,848 vaksinime, prej të cilëve 182,669 vaksinime për të moshuarit.
Objektivi i qeverisë që brenda muajit maj të jenë vaksinuar 500 mijë qytetarë.
Tags