Pas debutimit në Kanë, filmi shqiptar pjesë e listës së ngushtë për “Oscars 2021”

Bashkohuni me grupin tonë zyrtar në Facebook duke klikuar këtu!

“The Van” (“Furgoni”), me regji të Erenik Beqirit çoi Shqipërinë për herë të parë në Festivalin e Kanës dhe tani bashkëprodhimi shqiptaro-francez është futur ne listën e ngushtë për çmimet Oscar në kategorinë, “‘Filmi më i mirë me metrazh të shkurtër”, njofton Insajderi.

Në të njëjtën katëgori janë edhe filmat si: “Bitu”, “Da Yie”, “Feeling Through”, “The Human Voice”, “The Kicksled Choir”, “The Letter Room”, “The Present”, “Two Distant Strangers” dhe “White Eye”.

“The Van” flet për një djalë, i cili ka si qëllim të emigrojë jashtë vendit. Në mënyrë që të fitojë lekët e duhura sa me shpejt, ai pranon të bëhet pjesë e disa ndeshjeve që zhvillohen brenda një fugoni. Rregullat e furgonit janë të thjeshta, dyert mbyllen dhe fugoni niset në një trajektore rutinë, duke u kthyer në pikën e nisjes. Dyert hapen dhe nga aty mund të dali vetëm një fitues.

Xhirimet e filmit janë bërë në pjesën më të madhe të tij në Tiranë, ndërsa një pjesë e vogël është realizuar në Portin e Durrësit. Në rolet kryesore interpretojnë Arben Bajraktari dhe Afrim Muçaj.

Ceremonia e 93-të e ndarjes së çmimeve “Oscar” është parashikuar të mbahet më 25 prill në “Dolby Theatre”, Los Angeles. Lista e plotë e të nominuarve pritet të bëhet publike më 15 mars.

Burimiinsajderi.com
Artikulli paraprakSherri me Mevlanin/ Jasmina largohet nga studio, Atdheu mëson Andin: Çohuuuu
Artikulli tjetërSa shumë qenkan rritur Roman dhe London dhe për këtë duhet të falënderojmë teze Lorin