Pas gjermanëve, edhe italianët janë ngritur në protestë kundër masave që ka vendosur qeveria për ndalimin e Covid-19. Këtë pasdite, përpara Bocca della Verità, në Romë, u mbajt një protestë e organizuar nga ‘Popolo delle Mamme’ për të sfiduar rregullat e distancimit shoqëror, praktikat e vaksinimit dhe përdorimin e maskave për parandalimin e infektimit nga COVID-19.
Pak më shumë se 1 mijë pjesëmarrës, pothuajse të gjithë pa maska, pa respektuar distancën ishin mbledhur rreth podiumit. Madje disa kishin marrë edhe fëmijët me vete në shesh.
“Ne nuk jemi mohues, nuk mohojmë asgjë përveç strategjisë së terrorit që është kryer muajt e fundit. Ata gabuan në trajtimin e pacientëve duke frikësuar njerëzit dhe duke i dënuar me vdekje, ju jeni vrasës.”, kështu tha një folës nga skena.
