Policia e Stambollit ka gjobitur një “tregtar” të pazakontë pasi ky i fundit e kishte kthyer automjetin e tij luksoz Lamborghini në një tezgë për të tregtuar shalqinj. Sipas mediave turke, “tregtari” ishte një iranian, i cili e kishte bërë këtë veprim për ta shpërndarë në rrjetet e tij sociale.
Policia turke e ka gjobitur atë me 1228 lira turke (165 dollarë), me argumentin se po përdorte automjetin për qëllime të tjera jo për atë që kishte marrë leje. Si masë ndëshkuese, blogerit iranian iu pezullua dhe drejtimi i automjetit për 15 ditë.
Këtë “aktivitet” për shitjen e shalqinjve me Lamborghini, iraniani e kishte nisur që prej datës 2 shtator. Videoja e shpërndarë në rrjetet sociale ku iraniani i shiste shalqinjtë me 60 cent u kthye në një mister për policinë, ku arritën ta gjejnë në provincën e Antalias, pas 3 ditëve.
Çmimi i një Lamborghini Aventador në Turqi shkon në rreth 5 milionë lira turke (600 mijë dollarë). Ndërsa taksa vjetore e mjetit që shkon nga zero në 100 km/h për 2.9 sekonda, është 46.000 lira (6200 dollarë).
