Pas një performancë mbresëlënëse dhe të lavdëruar në skenën e XFactor Albania, artistja e re, Luna, ka publikuar këngën e saj të re të titulluar “Brown Eyes”. Kënga e re e këngëtares, e cila dallon për tingujt e saj melankolikë dhe tekstet thellësisht personale, është pritur me entuziazëm të madh nga fansat.
Luna, e cila u shfaq për herë të parë në skenën e madhe të Fest 61 me këngën “Jetën ta fal”, ka treguar se është një zë i ri dhe i veçantë në skenën muzikore shqiptare. Performanca e saj në XFactor u vlerësua jo vetëm për zërin e saj të jashtëzakonshëm, por edhe për prezencën skenike dhe ndjeshmërinë e interpretimit duke marrë katër po nga juria.
Kënga “Brown Eyes” është një reflektim i ndjeshëm dhe i fuqishëm i emocioneve të Lunës. Me një prodhim modern dhe një melodi që kap vëmendjen, kënga është një tjetër gjurmë e rëndësishme në repertorin e saj dhe një dëshmi e talentit të saj si kantautore.
Luna ka shprehur falënderime për mbështetjen që ka marrë nga fansat dhe ka premtuar se do të vazhdojë të punojë me përkushtim për të sjellë muzikë cilësore dhe të ndjerë për audiencën e saj.
“Brown Eyes” është publikuar në kanalin zyrtar Youtube të këngëtares me videoklip.
Kënga mund të dëgjohet gjithashtu në të gjitha platformat muzikore online nga GO Digital Music.
