“Quo Vadis, Aida?” – një film dramatik për luftën boshnjake – u vlerësua si filmi më i mirë i kinemasë euripiane në ceremoninë e ndarjes së Çmimeve të Filmit Europian në Berlin.
Filmi përshkruan tmerret e masakrës së Srebrenicës dhe përpjekjet e forcave të OKB-së për të ndërhyrë. Masakra e Srebrenicës, e njohur gjithashtu si gjenocidi i Srebrenicës, ndodhi në korrik 1995 ku nën drejtimin e Ratko Mlladic, njësi të ushtrisë serbe morën jetën e 8,000 burrave dhe djemve myslimanë boshnjakë.
Filmi i bazon ngjarjet te kjo masakër, kur Aida (Jasna Duricic), një mësuese dhe përkthyese e anglishtes, përpiqet të shpëtojë burrin dhe fëmijët nga forcat pushtuese serbe duke u strehuar në një kamp të Kombeve të Bashkuara. Aktorja protagoniste u vlerësua si “Aktorja më e mirë”.
Jasmila Zbanic, regjisore, skenariste dhe producente e filmit, mori çmimin “Regjisorja më e mirë”. Kujtojmë se “Quo Vadis, Aida?” u nominua për Oscar në kategorinë e “Filmit më të mirë ndërkombëtar”.
Filmi më i mirë: Quo Vadis, Aida?
Filmi më i mirë komedi: Ninja Baby
Çmimi për zbulimin europian: Promising Young Woman
Dokumentari më mirë: Flee
Filmi më i mirë i animuar: Flee
Filmi më i mirë me metrazh të shkurtër: My Uncle Tudor
Regjisori/ja më i/e mirë: Jasmila Zbanic, Quo Vadis, Aida?
Aktorja më e mirë: Jasna Duricic, Quo Vadis, Aida?
Aktori më i mirë: Anthony Hopkins, The Father
Skenaristi më i mirë: Florian Zeller, Christopher Hampton, The Father