Sipas Hollywood Reporter, Nu Image dhe Millennium Films i kanë dhënë dritë jeshile një filmi reboot për Rambo. Skenari do të shkruhet nga autori i How It Ends dhe Line of Sight, Brooks McLaren. Regjia i është besuar Ariel Vromen (Iceman dhe Criminal).
Titulli i reboot-it do të jetë Rambo: New Blood dhe sipas informacioneve të raportuara deri më sot nuk përfshijnë pjesmarrjen e Sylvester Stallone. Ndërkohë janë hapur audicionet për aktorin e ri që do të interpretojë Rambon. Sipas disa burimeve pranë Nu Image dhe Millennium Films aktori i ri duhet të ketë një profil të ngjashëm me atë të James Bond.
Kujtojmë që projekti është ende në fazën fillestare të zhvillimit. Prandaj, është ende herët për detaje mbi subjektin e filmit. Pas filmit të fundit të franchise-it (në 2008), FOX provoi të realizonte një serial tv për Rambo në 2013, ndërsa në 2014 vetë Stallone zhvilloi disa takime për realizimin e filmit të pestë, me titull Rambo: Last Blood. Të dy tentativat si për ekranin e vogël ashtu dhe për atë gjigand nuk patën rezultat pozitiv.