Renato Mekolli ka zbuluar me anë të një postimi në rrjetet sociale se kur do të jetë finalja e shumëpritur e programit i cili ka ngjallur shumë diskutime në rrjet ‘Hell’s Kitchen’. “Zefina cfarë po më thua? Do e shpallim ‘live’ fituesin në datë 10 janar, seriozisht? Unë ‘live’? Jo”, ka shkruar Mekolli bashkangjitur fotos ku shfaqet në kuzhinën ku ndjekësit e kanë parë për javë të tëra.
‘Hell’s Kitchen’ ka pasur mjaft përplasje dhe momente të komentuara në rrjet, ndaj dhe ndjekësit e tij janë duke pritur me padurim se cili do të jetë fituesi i këtij edicioni.
Kujtojmë se pjesë e programit kanë qenë herë pas here edhe personazhe të njohur publikë dhe të ftuar specialë, të cilët kanë parë nga afër se çfarë ndodh në kuzhinën e djallit./revistawho.com
