Rikthehet filmi i famshëm i viteve 2000!

Bashkohuni me grupin tonë zyrtar në Facebook duke klikuar këtu!

Epoka e “Legally Blonde” nuk ka përfunduar! Besojeni ose jo, një prej filmave më të famshëm të viteve 2000 do të rikthehet shumë shpejt! Kur Legally Blonde u lançua për herë të parë në 2001-in e gjithë bota ra në dashuri me bjonden e famshme Reese Witherspoon, që luante rolin e Elle Woods. Suksesi i filmit të parë, bëri që historia të vazhdonte me një tjetër film, “Legally Blonde 2”.

17 vite më vonë filmi do t’i rikthehet ekranit të madh përmes “Legally Blonde 3”, që ende pa pushtuar kinematë ka emocionuar njerëzit.

Çfarë dihet deri më tani për serinë e tretë të filmit?

Ka një datë të konfirmuar dhe është maji i vitit 2022. Ishte vetë kasti i filmit, Witherspoon, Jennifer Coolidge (Paulette Bonafonté), Selma Blair (Vivian Kensington), Jessica Cauffiel (Margot), Mattheë Davis (Warner Huntington III), Ali Larter (Brooke Taylor Windham), Holland Taylor (Professor Stromëell), Alanna Ubach (Serena McGuire), dhe Luke Wilson (Emmett Richmond), të cilët konfirmuan periudhën e premierës së episodit të tretë. Ndonëse fillimisht ishte planifikuar që “Ligjërisht Bjonde” të rikthehej në maj të 2020-ës, pandemia dhe përfshirja e disa skenaristëve të rinj, bënë që data të shtyhej.

Bjondja e famshme, Witherspoon e pohoi që në qershor të 2018-ës se “Ella” do të rikthehej, teksa relaksohej brenda një pishine me bikini ngjyrë rozë. Thuhet se producentët do të jenë ata që kanë punuar që prej filmit të parë, ndërkohë që ka zëra që thonë se “Legally Blonde 3” do të jetë i mbushur me “ide fantastike feministe”.

“Legally Blonde 3 do të jetë shumë qejf! një film i mbushur me modë, me gjëra të bukura dhe shumë koncepte feministe. Do të jetë ndërkombëtar dhe do të ketë shumë kafshë brenda. Do të rikthehet një pjesë e mirë e kastit, përfshi këtu edhe shoqen e ngushtë të Elle, Paulette. Jennifer Coolidge do të rikthehet!”- u shpreh Witherspoon për The Hollywood Reporter.

Burimi: Elle

Bashkohuni me grupin tonë zyrtar në Facebook duke klikuar këtu!


Bashkohuni me grupin tonë zyrtar në Facebook dedikuar informacioneve rreth TELEVIZIONIT duke klikuar këtu!


Bashkohuni me grupin tonë zyrtar në Facebook dedikuar SERIALEVE TURKE duke klikuar këtu!