Të shumë kanë qenë personazhet e njohur dhe artistët që kanë reaguar ditët e fundit për ngjarjen e rëndë të vrasjes së Klodian Rashës nga Policia dhe për protestat që po zhvillohen në kryqytet.
Mes tyre edhe aktori i madh Robert Ndrenika, i cili sot ka folur pikërisht për protestën që vazhdon prej dy ditësh në Tiranë, kundër vrasjes së 25-vjeçarit.
Duke folur për “News24” aktori i mirënjohur është shprehur se protestuesit mund të kenë arsye që nuk e duan kryeministrin, por anarkinë e urren.
“Ndoshta edhe unë kam arsye të mos e dua Edi Ramën por anarshinë e urrej!“- u shpreh Ndrenika.
Ndërkohë edhe sot është paralajmëruar një tjetër protestë në Tiranë, kësaj radhe duke kërkuar edhe dorëheqjen e Drejtorit të Policisë, Ardi Veliut, kërkesë për të cilën reagoi edhe kryeministri Rama më herët.