Rrëfehen mjekët dhe infermierët e Covid-2

Bashkohuni me grupin tonë zyrtar në Facebook duke klikuar këtu!

Ministrja e Shëndetësisë dhe Mbrojtjes Sociale, Ogerta Manastirliu, ka publikuar një video nga spitali Covid-2 “Shefqet Ndroqi”.

Manastirliu shkruan se pavarësisht pasigurisë nga e panjohura, rrezikut e frikës për vete dhe familjarët, mjekët, infermierët dhe i gjithë stafi i spitaleve që trajtojnë pacientët me Covid-19 kanë bërë një punë heroike.

“Stafi mjekësor i spitaleve #COVID e ka përballuar me sukses fazën e parë të epidemisë. Pavarësisht pasigurisë nga e panjohura, rrezikut e frikës për vete dhe familjarët, mjekët, infermierët dhe i gjithë stafi i spitaleve që trajtojnë pacientët me #covid19 kanë bërë një punë #heroike në vijën e parë të betejës me armikun e padukshëm. Dëgjoni eksperiencën dhe përjetimet e mjekëve dhe infermierëve të spitalit #COVID2, spitalit universitar “Shefqet Ndroqi”. MëTëFortë #Bashkë”, shkruan ministrja Manastirliu.

Në video, stafi i mjekëve dhe infermierëve tregon përballjen në vijën e parë me Covid-19, frikën për infektim dhe mungesën e familjes prej 1 muaj e gjysmë, qëkur Spitali “Shefqet Ndroqi” u bë Spital Covid-2.

“Qëkur ne u shpallëm COVID 2, prej 1 muaj e gjysme nuk e shohim familjen flasim përmes Skype e WhatsApp, por kemi 1 muaj e gjysmë që s’kemi kontakt”.

“I kam shërbyer pacientëve pa e menduar nëse do të infektohesha për vete”.

“Momenti i parë kishte disa elementë brenda, pjesën e frikës, të ankthit dhe stresit për infektimin me COVID-19”.

Këto janë një pjesë e rrëfimeve të mjekëve dhe infermierëve që ju shërbejnë çdo ditë me përkushtim pacientëve të infektuar me COVID-19 në Spitalin “Shefqet Ndroqit”, shprehen mjekët dhe infermierët./tvklan.al

 

Burimitvklan.al
Artikulli paraprakAkuzat ndaj Kinës mbi burimin e koronavirusit të ri janë pa bazë
Artikulli tjetërEni Vasili: “Vaksina mediatike” për Covid-19