Prej dy ditësh Kosova po sheh një rritje të lehtë të rasteve pozitive me COVID-19. Një ditë më parë u shënua dita historike me asnjë rast të ri, por dje kishte 6 kurse sot 9.
Totali i rasteve pozitive me koronavirus ka shkuar në 1 mijë e 47 teksa sot janë 3 të shëruar.
Ajo që bie në sy është se Prizreni dhe Prishtina nuk kanë pasur asnjë rast të ri sot. Vushtrria ka qenë epiqendra e rasteve me 8 të reja kurse një tjetër ka qenë nga Gjilani.
NJOFTIMI NGA IKSHPK
Sot më 26 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 220 mostra të marra nga Klinika Infektive dhe gjurmimi i kontakteve të rasteve në terren.
Me SARS-CoV-2, janë konfirmuar 9 raste.
Rastet pozitive janë raste kontakti nga: komuna e Vushtrrisë 8 raste (sipas vendbanimit: 7 raste Vushtrri dhe 1 rast Bajskë) dhe 1 rast me vendbanim në Gjilan.
Sot më 26 maj 2020, janë shëruar 3 pacientë derisa numri i përgjithshëm i të shëruarve deri më sot është gjithsej 794 raste.
Nga data 08 shkurt deri më 26 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 13.725 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.047 raste, me gjithsej 30 raste të vdekjes të cilët kanë pasur sëmundje të tjera shoqëruese.
