Schitt’s Creek, Succession dhe Watchmen rrëmbejnë Çmimet Emmy

Bashkohuni me grupin tonë zyrtar në Facebook duke klikuar këtu!

Serialet televizive Schitt’s Creek, Succession dhe Watchmen ishin fituesit e mëdhenj të Çmimeve Emmy gjatë së dielës, të cilat për shkak të pandemisë u cilësuan si “Pandemmy’s” pasi ceremonia u zhvillua pa të ftuar në sallë apo tapetin e kuq tradicional.

Schitt’s Creek, një serial kanadez për një familje të pasur që papritur humbet çdo gjë, bëri histori pasi rrëmbeu plot 9 çmime, përfshi këtu dhe atë për serialin më të mirë në zhanrin e komedisë.

Succession, përpjekja e një familjeje për të mbajtur pushtetin e një perandorie mediatike, fitoi çmimin seriali më i mirë dramatik.

Regjisori Jesse Armstrong përfitoi nga rasti për të shprehur pakënaqësinë e tij ndaj presidentit Donald Trump dhe për mënyrën sesi ky i fundit po menaxhon pandeminë. Ndërsa Wathchmen, i bazuar në librat komiks mori një sërë çmimesh, në një kohë kur tematika e serialit, e cila bën fjalë për dhunën policore dhe racizmin, është shumë aktuale dhe reflekton atë që po ndodh sot në Shtetet e Bashkuara.

Çmimet Emmy janë ekuivalenti i çmimeve Oscar por për filmat me seri dhe këtë vit, yjet kinematografikë e ndoqën shfaqjen në mënyrë virtuale për shkak të pandemisë COVID-19. Ceremonia virtuale u prezantua nga Jimmy Kimmel.

Bashkohuni me grupin tonë zyrtar në Facebook duke klikuar këtu!


Bashkohuni me grupin tonë zyrtar në Facebook dedikuar informacioneve rreth TELEVIZIONIT duke klikuar këtu!


Bashkohuni me grupin tonë zyrtar në Facebook dedikuar SERIALEVE TURKE duke klikuar këtu!