Pak ore nga prezantimi zyrtar në Milano të kanalit më të ri në Itali Agon Channel, faqja TV ZOOM ka zbuluar se prezantuesja e njohur Simona Ventura do t’i bashkohet cast-it të emrave vip të perzgjedhur për kanalin e sipërmarrësit Francesco Becchetti. Pas Pupo, Sabrina Ferilli, Maddalena Corvaglia, Fulvio Collovati, Lory Del Santo, Ventura i rikthehet televizionit pas largimit të saj nga Sky dhe eksperiencës në La7 me Miss Italia. Prezantuesja piemonteze fillon kështu një tjetër eksperience televizive por këtë herë në studiot e Agon Channel në Shqipëri, duke sfiduar veten në një televizion që mezi pritet të fillojë transmetimin.
Agon Channel Italia do të fillojë transmetimin e rregullt të programeve në datë 1 dhjetor 2014 në kanalin LCN 33 të digital tokësorit italian.