HBO ka publikuar më në fund trailer-in e parë të serialit të shumëpërfolur Vinyl.
Seriali provokativ i zhanrit dramatik ka lindur si një bashkëpunim i çmimit Oscar Martin Scorsese (që ka bërë regjinë e episodit të parë), këngetarit Mick Jagger dhe ideatorit të Boardwalk Empire Terence Winter.
10 episodet e para, që do të transmetohen në 2016-ën, na çojnë në New York-un e viteve ’70 në një rrëfim të “mbytur” nga seksi, droga dhe rock ‘n’ roll. Në fokus të historisë, jeta e Richie Finestra (Bobby Cannavale), një diskograf në kërkim të një sound-i të ri për të shpëtuar nga fundosja etiketën e tij muzikore. Olivia Wilde ështe gruaja e tij në rolin e Devon, ish modele dhe aktore e vendosur për të rifituar familjen e saj.
Ndërkohe, Deadline raporton se Douglas Smith i është bashkuar cast-it të serialit me rolin e Xavier, tastieristi naiv dhe i papeshë i party-bandës Karisma.
https://www.youtube.com/watch?v=n2irZnQMovI
