Ashtu siç ju kishim informuar edhe më parë, duke filluar që nga kjo javë, “IN” do të shtojë edhe disa programe të tjera me plot larmi në programacionin e vet, përfshirë këtu seriale dhe show.
Sfida është formati më i ri prodhim i Digitalb i cili do të transmetohet edhe në “IN”, ku do të shohim bukuroshen Ilda Bejleri jashtë kornizës sportive të Supersport, ku sëbashku me Denard Xhillari do të jenë dy prezantuesit e një prej risive të sezonit televiziv pay-per-view. Një game shoë me producent Rezart Agën dhe protagonist disa nga personazhet më të njohur të botës artit dhe televizionit.
Në 10 javë, personazhet e përzgjedhur të ndarë në dy grupe do të përballen me njëri-tjetrin me numra shpejtësie, bashkëpunimi dhe guximi që do t’i dhurojnë publikut momente të paimagjinuara dhe në situata të papritura plot humor e argëtim. Më të mirët do të shpallen edhe fitues të çmimit të madh final.
Sfida do të transmetohet fillimish primetime të Shtunave në orën 20.30, në kanalin T HD, dhe më pas ritransmetimi do jepet në “IN” çdo të Martë ora 21:30.
©InfoMedia Albania // Niko Lako | Ndalohet kopjimi i ketij materiali pa autorizim
