Në rubrikën “Shihemi në Gjyq” në Tv Klan edhe këtë javë, u trajtua një histori interesante, por që arriti të gjente zgjidhjen e duhur. Gjergji nga Korça, kishte vendosur të sillte në studion e “E diela shqiptare”, në rubrikën “Shihemi në gjyq”, nënën e tij, znj. Ismete.
Gjergji, babai i 5 vajzave, prej 4 vitesh nuk kishte kontakt me nënën e tij. Sipas Gjergjit shkaku kryesor ishte divorci i tij me ish-bashkëshorten dhe arsyeja sepse ai kërkonte këtë seance ndërgjegjësimi në “Shihemi në Gjyq” është se kërkonte të rregullonte marrëdhënien me nënë e tij. Gjergji pretendonte se nëna e tij donte nusen më shumë se sa atë dhe nuk ka dashur të dijë asnjëherë shkaqet e divorcit.
Nga ana tjetër znj. Ismete tregoi për rubrikën “Shihemi në Gjyq” se nusen e donte si vajzën e saj, nuk kishte pasur asnjëherë konflikte dhe e ka pranuar në shtëpi edhe pas divorcit.
Gjergji dëshironte t’i tregonte nënës se pas konflikteve me bashkëshorten e tij nuk i dukej e drejtë, që ai të largohej nga shtëpia dhe nusja të qëndronte. Ai donte t’i tregonte nënës së tij anën e errët të ish bashkëshortes, e cila ka tentuar edhe ta vrasë Gjergjin me thikë, por nëna nuk i fliste për 4 vjet, e nuk dinte asgjë që kishte ndodhur mes djalit dhe nuses së saj. E vetmja gjë që ajo kërkonte ishte të kishte afër mbesat e Gjergjit dhe t’i rriste ato me gjithë të mirat.
Gjergji dhe bashkëshortja e tij u divorcuan pas konflikteve të një pas njëshme. Ajo që Gjergjin e kishte revoltuar më shumë ishte fakti se ish-bashkëshortja e tij kishte ngritur padi në gjykatë se Gjergji kishte ushtruar dhunë ndaj saj.
Në një senancë ndërmjetësimi në Korçë, Gjergji pranon se ka ndarë pasurinë në mënyrë të padrejtë mes tij dhe ish-bashkëshortes. Ku kjo e fundit ka marrë 70% të pasurisë së tij në emrin e saj dhe 30% ka mbetur për Gjergjin.
Në rubrikën “Shihemi në Gjyq” Gjergji kërkonte vetëm rikthimin pranë prindërve dhe t’i tregonte nënës se nuk ka pasur faj për gjithçka ka ndodhur dhe për shkaqet e divorcit. Ai tregoi se fajtore ka qënë ish-bashkëshortja.
Edhe publiku ishte në anën e Gjergjit. Ndërsa nëna e tij, Ismete në fund vendosi të pranonte djalin e saj në familje dhe kërkoi të mos ndaheshin më nga njëri – tjetri.
Në fund të puntatës Gjergji dhe nëna e tij firmosën kontratën për të mos u ndarë më e për të bërë të pamundurën për sheshimin e konflikteve.
“Shihemi në Gjyq” është rubrikë e emisionit “E diela shqiptare”, që transmetohet çdo të Diel në televizonin Klan e që ka arritur javë pas javë të ndiqet më shumë se çdo rubrikë tjetër, duke garantuar kështu sukses të jashtëzakonshëm.
Burimi | TV Klan (Kristi Petro)