Shkon në 174 numri i të prekurve me koronavirus në Shqipëri, katër prej të cilëve janë fëmijë

Numri i të prekurve nga koronavirusi në Shqipëri ka shkuar në 174. Ministria e Shëndetësisë njoftoi këtë të enjte se janë testuar 103 persona, nga të cilët 28 kanë rezultuar pozitivë.

Nga të prekurit, rezultojnë edhe 4 fëmijë pozitivë, kontakte të rasteve pozitive, të cilët janë pa shenja klinike dhe në gjendje të mirë shëndetësore.

Deri më tani, 6 persona kanë humbur jetën.

“Në 24 orët e fundit janë konfirmuar 28 raste të reja me COVID-19 dhe janë kryer 103 testime. Deri në këto momente testuar 1144 janë raste të dyshuara dhe prej tyre janë të konfirmuar pozitivë me COVID-19, 174 qytetarë.

Gjatë orëve të mbrëmjes së djeshme ndërroi jetë një paciente 71-vjeçare nga Tirana, e konfirmuar me COVID-19, e shtruar në spitalin Infektiv, në terapi intensive, në frymëmarrje të drejtuar (respirator). Pavarësisht përpjekjeve të mjekëve, 71-vjeçarja me hipertension, e shtruar prej 7 ditësh në spitalin Infektiv, nuk arriti të mbijetojë. 71-vjeçarja është viktima e gjashtë e prekur nga COVID-19 në Shqipëri.

Në shërbimin infektiv aktualisht janë 73 të shtruar dhe prej tyre 3 raste jane ne terapi itensive 2 jane te intubuar. Ndërsa pjesa tjetër e të shtruarve në pavion janë në gjendje të stabilizuar deri në këto momente“, ka bërë me dije Eugena Tomini, shefja e Epidemiologjisë në ISHP.

Harta e të prekurve nga COVID-19 është shtrirë tashmë edhe në Tropojë dhe zgjerohet në Tiranë, Korçë, Fier, Durrës, Lezhë, Elbasan, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.

Shpërndarja gjeografike e rasteve pozitive, është si vijon:

Tirane 102 raste
Durres 10 raste
Lushnje 4 raste
Elbasan 5 raste
Rrogozhine 2 raste
Fier 18 raste
Kavaje 4 raste
Korce 11 raste
Vlore 5 raste
Shkoder 3 raste
Lezhe 4 rast
Berat 1 rast
Has 2 raste
Kruje 1 rast
Tropoje 2 raste

“Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!
Ministria ka vënë në dispozicion një linjë të gjelbër FALAS 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për cdo shqetësim tjetër që ata kanë.

Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!” /tvklan.al

Ministria e Shëndetësisë njoftoi këtë të enjte se të prekur nga koronavirusi në vendin tonë rezultojnë edhe 4 fëmijë. Të miturit nuk kanë shenja klinike dhe fatmirësisht gëzojnë shëndet të mirë.

” Nga të prekurit, rezultojnë 4 raste pozitive të moshës pediatrike, kontakte të rasteve pozitive, janë pa shenja klinike dhe në gjendje të mirë shëndetësore”, tha në një dalje për mediat, Eugena Tomini.

Specialistja e ISHP njoftoi se në total numri i të prekurve me Covid-19 në vendin tonë ka shkuar në 174.

Deri më tani janë testuar 1,144 qytetarë, ndërsa harta e të prekurve vijon të zgjerohet duke u shpërndarë në 15 qytete. Koronavirusi i ka marrë jetën 6 personave, nddërsa të shtruar në shërbimin infektiv janë 73 persona, prej të cilëve 3 ndodhen në terapi intensive, ndërsa 2 janë të intubuar./tvklan.al