Dhuna, abuzimet e shpifjet në webet online janë diskutuar edhe në Këshillin e Europës. Gjatë një fjalimi në këtë Këshill, Kryetarja e Dhomës së deputetëve të Italisë Laura Boldrini ka bërë thirrje që të reagohet dhe të dënohen ashpër këto sulme që bëhen në internet.
Sipas Boldrinit, krimi është i njëjtë qoft online apo jo.
“Liria e të shprehurit është e shenjtë por duhet të jetë në përputhje me lirinë e njerëzve të tjerë. Krimi mbetet krim sikurse bëhet online apo jo. Prandaj nuk duhet toleruar abuzimi, agresiviteti dhe përhapja e lajmeve të rreme sepse i shkatërron të gjithë. Kjo dhunë në rrjete shpesh here nënvlerësohet. Për me tepër gratë të cilat kanë një jetë publike janë të sulmuara. Pse duhet ta pranojmë? Të pranojmë fyerjte në web? E konsideroj të papranuseshme. Prandaj ju bëj thirrje të reagojmë.”
Dhuna me webe pirate, sulmet, shipfjet dhe shantazhet janë një temë tepër e nxehtë dhe aktuale edhe në vendin tonë.
Për më tepër Shqipëria ka një vakum ligjor për mbrojtjen e të dhënave personale online apo sanksionimin me ligj për funksioniomin e webeve online dhe sulmet e ndryshme, për të cilat në vendin tonë askush nuk mban përgjegjësi.
