Një ngjarje e rëndë ka ndodhur pasditen e sotme në aksin Rrëshen-Rubik, në Kubin ku është shuar një familje. Një mjet nga Kosova tip “Citroen”, në të cilin udhëtonin 5 anëtarët e një familjeje është përplasur me një kamion dhe si pasojë 4 persona kanë ndërruar jetë, ndërsa në gjendje të rëndë është fwmija i tyre.
Nga aksidenti kanë humbur jetën çifti Blerim Avdiaj 51 vjeç dhe Anjeza Avdiaj 34-vjeç. Po ashtu nga aksidenti kanw mbetur tw vdekur dhe fëmijët e tyre Medina Avdiaj, 6 vjeç dhe Klejdi Avdiaj, 11 vjeç. E plagosur rëndë ka mbetur Violeta Avdiaj, 3 vjeç.
Mësohet se Violeta, e vetmja që ka shpëtuar nga familja është dërguar fillimisht për në spitalin e Rrëshenit për të marrë ndihmën e parë mjekësore, por deri më tani raportohet se është rëndë për shkak të plagëve që ka marrë nga përplasja. Kështu që është sjellë në spitalin e Traumës në Tiranë për një mjekim më të specializuar.
Edhe kamioni drejtohej nga një tjetër shtetas nga Kosova me iniciale I.I., i cili është shoqëruar nga uniformat blu për t’u marrë në pyetje.
Detaje të tjera janë zbuluar nga aksidenti i ndodhur në Rubik, ku 4 anëtarët e një familje kanë humbur jetë. Burrë e grua nga Kosova, të moshave rreth 45 dhe 50 vjeç, kanë ndërruar jetë në vend ndërsa dy prej fëmijëve, rrugës për në spital.
Mësohet se edhe kamioni drejtohej nga një tjetër shtetas nga Kosova me iniciale I.I., i cili është shoqëruar nga uniformat blu për t’u marrë në pyetje.
Dyshohet se makina me të cilën udhëtonte familja nga Kosova ka tentuar të parakalojë automjetet para tij në një pikë kthese por nuk e ka parë kamionin që po vinte në drejtim të tyre dhe pikërisht në atë moment ka ndodhur përplasja fatale.