Gazetarja e njohur Sonila Meço, e kontaktuar nga newsbomb.al ka thënë se nuk është në dijeni të letrës për aq kohë sa nuk i është drejtuar asaj kjo letër që në fakt, siç shkruhej, kishte marrës Presidentin e Agon Channel Francesco Becchetti. Gazetarja thotë se ashtu sikurse punonjësit e tjerë nuk paguhet por gjithsesi del në transmetim në pritje të verdiktit të gjyqësorit.
Punonjësit e Agon Channel të dëshpëruar, i dërgojnë letër ankesë Francesco Becchetti-t
Newsbomb.al publikoi sot letrën që punonjësit e Agon Channel i dergonin Becchetti-t, ku ndër të tjera i tregonin dhe qe kishin humbur besimin te drejtuesit e ketij televizioni. Ç’mund të na thoni për këtë?
Unë jam drejtoreshë Informacioni në Agon Channel. Nuk kam asnjë dijeni për letrën, sepse nuk më është drejtuar mua. Televizioni ka Drejtor të Përgjithshëm, Ekzekutiv e Finance. Kjo nuk është kompetencë e imja.
Por duhet thënë se ju jeni mjaft e rëndësishme në këtë televizion. Madje një pjesë e mirë e publikut, shpesh e identifikon Agon Channel me ju personalisht ndaj do ishte me interes të dinte qendrimin tuaj.
Vijoj të jem pjesë e Agon Channel, kam të njejtat probleme si të gjithë. Shteti që është administrator ende nuk është parë në këto anë, ndërsa llogarite e pronarit janë të sekuestruara. Nuk di c’të them më shumë se kaq. Pse nuk pyet administratorin shteteror? Lidhuni me te. Ai ne nuk na përgjigjet. Provoje një herë.
Ç’doni të thoni me “kam të njëjtat probleme si të gjithë”? Pra ju nuk paguheni dhe nuk jeni pjesë e këtyre shtatë- tetë personave që thuhet se paguhen sa për të mbajtur transmetimin?
Nuk paguhem, nuk di ç’domethënë shtatë a tetë nuk merrem me përfolje. Po dal në transmetim si gjithë koleget e punonjësit që ende kanë mbetur në pritje të verdikteve të gjyqësorit. Mendoj se me “Temën e Ditës” bëj punën dhe i shërbej një kauze që më tejkalon mua”.
