Kryeprokurori i Prokurorisë Speciale të Hagës, Jack Smith i ka dëeguar një letër publike Gjyqtarit të Procedurës Paraprake, Nicola Guillou, ku ka renditur argumentet e tij se pse Hashim Thaçi duhet të arrestohet dhe të dërgohet në paraburgim.
Smith thotë se ish-presidenti i Kosovës mund të arratiset pasi aktakuza e pakonfirmuar ishte bërë publike. Ai vlerëson se një gjë e tillë do ta nxiste Thaçin të ikte.
Një tjetër pretendim i Smith është se Thaçi mund të kryejë krime të tjera dhe të pengojë procedurat e Speciales. Gjithashtu ka parashikuar se akuzat e konfirmuara nga Dhomat e Specializuara mund të sjellin burgim të përjetshëm për ish-presidentin.
“Përderisa të dhëna të caktuara dhe të përgjithshme në lidhje me aktakuzën e dorëzuar dhe të pakonfirmuar janë publikuar, ndjenja nxitëse e z.Thaçi për t’u arratisur, për t’i penguar procedurat dhe për të kryer krime të mëtutjeshme do të rritet drastikisht posa ai të informohet për aktakuzën e konfirmuar dhe për hollësitë e akuzave të konfirmuara, të cilat mund të sjellin dënim me burgim të përjetshëm”, thuhet në dokumentin që Jack Smith ia ka dërguar gjyqtarit të Procedurës Paraprake.
Dokumenta bashkëngjitur
[pdf-embedder url=”https://www.imalbania.com/wp-content/uploads/2020/11/5fb937b3ac410.pdf”]
