Tashmë është 1 Janar 2021. Në vendin tonë festa tradicionale që mbledh të gjithë pranë tryzës i gjeti shumë familje akoma më shumë të bashkuara, nën kushtet e kufizimit nga pandemia e COVID-19.
Me shpresën se viti që lam pas nuk do të vijë më, InfoMedia Albania ju uron një Vit të Ri të Mbarë e të Begatë me Plot Shëndet!
Por, si bota numëron deri në mesnatë dhe pse pikërisht njerëzit e planetit festojnë vitin e ri në këtë moment?
Është tashmë e ditur se viti i ri nuk ka qenë gjithmonë me 1 janar dhe nuk është ende në disa kultura.
Në Mesopotaminë e lashtë, festa e vitit të ri ishte festë 12 ditore dhe ndodhte rreth pranvers, ndërsa grekët e festonin këtë festë gjatë dimrit. Më 20 dhjetor, historiani romak Censorius, ndërkohë njoftoi se egjiptianët e festonin Vitin e Ri me 20 korrik, sipas një artikulli të botuar në vitin 1940.
Gjatë epokës romake, marsi shënoi fillimin e vitit kalendarik. Më pas, Jul Cezari kishte krijuar kalendarin Julian, i cili ka vendosur që Viti i Ri të festohet sot.
Por edhe Jul Cezari nuk mundi ta standartizonte këtë ditë në përgjithësi, pasi në disa kultura të ndryshme Viti i Ri festohet në periudha të tjera të vitit.
Zgjidhja që Viti i Ri të festohet me 1 janar është ngjarje e rëndësishme astronomike, kur Toka është shumë afër djellit, pikë kjo e njohur si perihelion.
Një janari shënon Vitin e Ri për pjesën më të madhe të botës duke mos i llogaritur Afganistanin, Etiopinë, Iranin, Nepalin dhe Arabinë Saudite, vende këto që mbështeten në konventat e tyre kalendarike.
