77-vjeçari Hekuran Korça ishtë babai i pesë fëmijëve, katër vajzave dhe një djali. Ky i fundit jeton në Itali, ndërsa njëra nga gocat që jetonte në Greqi kishte ndërruar jetë rreth një muaj më parë nga infarkti. Një tjetër vajzë e Hekuran Korçës jeton në SHBA ndërsa edhe i moshuari kishte qëndruar disa kohë tek ajo. Sipas fqinjëve 77-vjeçari ishte kthyer me shpërthimin e pandemisë. Ai rezultoi pozitiv me Covid disa ditë më parë, teksa kishte marrë trajtim intensiv në Spitalin e Infektiv duke u negativizuar.
Dera e shtëpisë ku jetonte 77-vjeçari Hekuran Korça, në Shkozë është e mbyllur. Për të kujdesej e bija që jetonte shumë pranë banesës së tij. Ajo e kishte sjellë në banesë pasi la spitalin Infektiv pasditen e të Hënës. Pas kësaj, vajza është larguar ndërsa vetëm 20 minuta ka pritur i moshuari për të ndërmarrë aktin ekstrem. Ai është hedhur nga ballkoni i katit të 3 të pallatit, duke u përplasur edhe nëpër pemë gjatë rënies, dhe fqinjët thonë se toka e njomur ka bërë që ai të mbijetojë rreth 24 orë pas ngjarjes nën kujdesin intensiv të mjekëve në Spitalin e Traunës, por pa mundur të mbijetojë.
Të hënën rreth orës 18:30 është kthyer në banesë dhe është vetëhedhur nga kati i tretë i një pallati në Shkozë. Burime pranë spitalit të Traumës bëjnë me dije se ai arriti në urgjencë me shenja jete, por nuk ia doli ti mbijetonte plagëve të rënda të shkaktuara nga lartësia. Në kartelën e tij mjekësore rezulton të ketë qenë i infektuar me Covid, sëmundje të cilën e kishte mposhtur duke u negativizuar, por që gjendja e tij shëndetësore ka qenë e rëndë.
