Mjeku shqiptar në Amerikë, Prof.Dr.Philip Filip Caushaj, Shef Klinike Kirurgjie-USA, gjatë një lidhje me skype në Report Tv ka folur për situatën në SHBA duke thënë se gjendja është e rëndë, pasi masat për izolim dhe distancim social nuk u morën në kohë nga autoritete këtu. Mjeku Caushaj tha se në New York, Connecticut dhe New Jersey ka shqiptarë të vdekur po numri i saktë i tyre do të bëhet i ditur nga qeveria pas përfundimit të pandemisë.
“Shifrat janë shumë të frikshme deri më shumë se 600 mijë janë prekur dhe mbi 30 mijë kanë humbur jetën. Ky është një problem madhor, qeveria jonë nuk qe gati të zbarkojë policisë, të ruajë distancën dhe të vendosi izolimin që ishin më të nevojshme dhe më shpejtë. Besoj që kanë vdekur shqiptarë që New York, Connecticut dhe New Jersey, por për sa i përket shifrave qeveria nuk do i jap të sakta deri në fund të epidemisë pasi qeveria nuk i ndan në etni, por ka shqiptarë kanë vdekur”, tha Caushaj.
Mjeku Caushaj u shpreh se mosha mesatare e të prekurve është mbi 65 vjeç dhe rastet fatale shënohen kur kanë dhe sëmundje të tjera bashkëshoqëruese. Në lidhje me një vaksinë për COVID-19, mjeku shqiptar tha se për këtë duhet pritur një kohë të gjatë dhe se deri atëherë njerëzimi d të ndryshojë mënyrën e jetesës.
‘Fatkeqësisht zhvillimi i një vaksine do të marrë një vit e gjysmë dhe ky virus do të jetë me ne për të paktën për një vit. Populli do të mësohet me maska e doreza. Bota po ndryshon në një mënyrë dhe nuk do të ketë mundësi të kthehet pas ku njerëzit përqafoheshin mes tyre’.
Për sa i përket masave të qeverisë shqiptare, Caushaj i vlerësoi ato duhet thënë se fal tyre sot po shmangen mijëra të vdekur.
“Unë kam qenë në kontakt me Manastirliun dhe drejtues të tjerë dhe kanë ndjekur një strategji shumë të mirë. Qeveria ka vënë masa në rregull për të shpëtuar popullin shqiptar, mos harroni që Shqipëria është një popull i vobekte dhe po të liroheshin masat do vdesin me mijëra shqiptarë pasi nuk i kanë kushtet e vendeve të zhvilluara. Ka bërë shumë mirë dhe i mbështes masat e qeverisë shqiptare.”, tha mjeku shqiptar në amerikë.
Filip Caushi është profesor i Kirurgjisë në Universitetin e Konektikatit dhe Drejtor i Programeve Kërkimore. Unë jam President i fundit i Shoqatës Internacionale të Kirurgëve në Universitet. Kam marrë edhe Nderi Kombit nga Shqipëria. Tani jam duke trajtuar pacientë Covid në ICU.
g.kosovari
