Pas arrestimit të sanitares Tire Alldervishi e cila u hoq si infermiere dhe i mori para vajzës së një pacienteje të shtruar me Covid, 3 infermiere të tjera dhe një sanitare nga i njëjti spital kanë përfunduar në pranga.
Mësohet se prokuroria ka lëshuar 4 urdhër-arreste për infermieret dhe sanitaren e spitalit për shkak se ato kanë dalë në bisedat me Tire Alldervishin.
Ato akuzohen për shpërdorim detyre dhe mashtrim. Por ende mbetet e paqartë nëse ata kanë pasur të bëjnë me rastin për të cilën u arrestua Tire Alldervishi, apo nëse janë përfshira në skema mashtrimi për të tjerë pacientë, duke marrë shuma parash.
Infermeret e arrestuara janë: Mira Bushi, Sidorela Çela dhe Shyqyrie Koçi.
Ndërsa sanitarja identifikohet nga mediat me emrin Rukie Hoxha.
Lidhur me rastin e Tire Alldervishit, ajo merrte para nga vajza e një pacienteje me Covid duke i premtuar se do kujdesej për të, por më vonë u zbulua se ajo nuk i dërgonte as ushqimet që i jepte vajza. Pacientja pas thuajse 25 ditësh në spital ndërroi jetë.
