Rusia ka nisur prodhimin e vaksinës së Covid-19 javën e shkuar, pavarësisht skepticizmit në mbarë botën.
Kjo është vaksina e parë e provuar në botë kundër koronavirusit, i cili deri më tani ka infektuar më shumë se 21 milionë persona dhe ka shkaktuar mbi 770,000 viktima.
Javën e kaluar, Presidenti rus Vladimir Putin njoftoi se vendi i tij ka zhvilluar vaksinën e parë në botë kundër COVID-19, e cila funksionon “mjaft efektivisht” dhe formon “imunitet të qëndrueshëm” kundër sëmundjes.
Ai gjithashtu bëri të ditur se një prej vajzave të tij tashmë i është bërë vaksina, e quajtur “Sputnik V’. Vaksina, e krijuar nga Instituti i Kërkimeve Gamaleya për Epidemiologjinë dhe Mikrobiologjinë me bazë në Moskë, u miratua me shpejtësi, pasi provoi se krijonte imunitet ndaj virusit.
Së fundmi, rusët kanë krijuar një klip promovues për vaksinën “Sputnik V” të Covid-19. Në videon prej 38 sekondash, autoritetet kanë treguar sesi vaksina ‘Sputnik V’ zhduk ngadalë virusin, i cili ka mbërthyer gjithë botën.
