Batmobile është padyshim automjeti më i dashur dhe më i famshëm në botën e super-heronjëve dhe gjithmonë ka ngjallur debate midis fansave. Sikurse ndodhi marsin e kaluar, kur regjisori Matt Reeves zbuloi makinën e filmit The Batman: një muscle car të pajisur me shumë aksesorë, shumë e ndryshme nga mishërimet e mëparshme kinematografike të Batmobile-s, por e ngjashme me disa versione të librave comic.
Kohët e fundit zbuluam se makina e filmave të Tim Burton është e preferuara e Batman, dhe shumë fansa pajtohen me të, por të gjithë kanë shijet e tyre: automjeti shkatërrues i drejtuar nga Ben Affleck në Batman V Superman dhe Justice League, për shembull, krenohet me admirues të shumtë.
Përtej mendimeve personale, çdo fan do mund të shijojë dokumentarin një-orësh që Warner Bros. ka publikuar në Youtube, i cili na lejon të eksplorojmë mishërimet e shumta të Batmobile ndër vite, përfshirë librat comic, televizion dhe kinema. Do ta gjeni më poshtë, por së pari ju kujtoj që xhirimet e The Batman duhet të fillojnë përsëri së shpejti në Mbretërinë e Bashkuar.
