Për të tretën ditë radhazi, pasditet e Tiranës deri në darkë vonë janë kthyer në arenë përplasjesh mes të rinjve protestues dhe forcave të policisë.
Qindra të rinj të ndarë në disa grupime kanë protestuar edhe këtë të premte jo vetëm në Tiranë, por edhe në qytete të tjera të vendit për vrasjen e 25-vjeçarit, Klodian Rasha nga efektivi i policisë, Nevaldo Hajdaraj.
Forca të shtuara policie janë shpërndarë në disa pika kyçe në Tiranë, përfshirë edhe forca të FNSH-së.
Thuajse njësoj si natën e kaluar, strategjia e të rinjve protestues ka qenë mosgrumbullimi në një pikë të vetme, por të shpërndarë në zona të ndryshme të kryeqytetit.
Vrasja e Klodianit/ Tirana sërish në tym e kaos, strategjia që
Ata janë parë pranë ministrisë së Brendshme, te kryeministria, te drejtoria e Policisë së Tiranës, përpara parlamentit, te kryqëzimi i presidencës, në zona të ndryshme të ish-Bllokut, te ‘Vasil Shanto’ etj.
Grupimet kanë qenë gjatë gjithë kohës në lëvizje dhe të shpërndarë, ndërsa policia i ndiqte nga pas.
Mes tyre ka pasur shoqërime të shumta, mes tyre edhe të mitur dhe adoleshente. Nuk kanë munguar rastet e dëmtimit të sinjalistikave rrugore, semaforëve, koshave të mbeturinave etj.
Vrasja e Klodianit/ Tirana sërish në tym e kaos, strategjia që
Po ashtu, sulmuan disa herë me gurë dhe mjete piroteknike punonjësit e policisë, ndërsa kjo e fundit është përgjigjur me gaz lotsjellës dhe ujë me preison me anë të autoboteve për të shpërndarë turmat.
Protestuesit kanë kërkuar dorëheqjen e Drejtorit të Përgjithshëm të Policisë, Ardi Veliu, ndërsa ky i fundit u shfaq krah kryeministrit Edi Rama, gjatë vizitës së këtij të fundit në QSUT të efektivit të policisë që u plagos dhe që rrezikon humbjen e njërit sy nga protesta e parë.
Protesta ka patur edhe në rrethe si në Durrës, ku pjesëmarrësit kanë djegur pemën e vitit të ri, në Fier, në Pogradec, Lezhë etj.
Nga ana tjetër, nuk kanë munguar edhe thirrjet e ndërkombëtarëve për përmbajtje dhe shmangie të dhunës, si dhe vijimin e hetimeve për ngjarjen tragjike që i mori jetën Klodian Rashës në të gdhirë 8 dhjetori.
