Numri i vdekjeve në Kinë ka qenë i qendrueshëm me rreth 3,300 për javë të tëra, por së fundmi është rritur duke shkuar në 4,600. Kjo ka ardhur për shkak se qyeti i Wuhan-it, nga ku nisi pandemia, rriti numrin e viktimave me 50%.
Zyrtarët e qytetit të Wuhan-it thanë se kanë rishikuar numrin e vdekjeve nga koronavirusi në total dhe ditën e premte shënuan 1,290 vdekje të reja. Wuahn-i rishikoi edhe numrin e rasteve të konfirmuara me Covid-19, duke u rritur me 325, dhe çuar numrin total në 500,333 raste.
Zyrtarët thanë se kanë rishikuar shifrat për të treguar përgjegjësi ndaj historisë, para njerëzve dhe viktimave, si dhe për t’u treguar transparent me dhënien e informacionit dhe saktësimin e të dhënave. Ka pasur shumë dyshime për shifrat e Kinës, sepse presidenti i SHBA-ve, Donald Trump, është shprehur se ata mund të kenë fshehur të dhënat e vërteta mbi numrin e viktimave dhe rasteve me koronavirus.
Duke publikuar numrat e korrigjuar, zyrtarët e Wuhan-it këmngulën se nuk ka pasur asnjë fshehje të të dhënave të vërteta. Për 11 javë me radhë qytetarët e Wuhan-it qëndruan në izolim total dhe së fundmi janë lehtësuar disi masat.
